Books For You

Grow Outward, Grow Inword

“ના” કહેતાં શીખો


“ના” કહેતાં શીખો

રેણું  શરણ
જો તમને ના કહેવામાં તકલીફ પડતી હોય, તો પછી તમારો મહત્તમ સમય બીજા એવા કામો કરવામાં ખર્ચાઈ જશે જે તમે હકીકતે નથી કરવા માંગતા . આ પરિસ્થિતિ જો ચાલુ રહે , તો વ્યક્તિની અંદર ઘૂઘવાટ અને હતાશાની ભાવના વધતી જાય છે .તેને પરિણામે મિત્રતા અને સંબંધોમાં કડવાશ પણ આવી શકે છે .
આ પુસ્તકમાં ના કહેવાની  કળાની ઝીણવટથી જાણકારી આપવામાં આવી છે . તેમાં એવા અચૂક ઉપાયો બતાવવામાં આવ્યા છે જેને દૈનિક જીવનમાં અપનાવી કોઈ પણ વ્યક્તિ ના કહેવાની કળામાં  પારંગત બની શકે છે .અને પોતાનું જીવન ખુશહાલ બનાવી શકે છે .
જયારે તમે અસહમત હોવ અથવા જયારે તમારી મરજી ન હોય ત્યારે ….

·         બોસની બિનજરૂરી ઈચ્છાઓ

·         કાર્યસ્થળ પર અનુચિત વ્યવહાર

·         સયુંકત પરિવારોમાં સ્વાર્થની ટક્કર

·         મિત્રો-સગાસંબંધીઓની અનુચિત માંગણીઓ

·         સમય અને ક્ષમતા કરતા વધારે કાર્યની માંગણી

આવી તમામ પરિસ્થતિઓથી છુટકારો મેળવવાની કળા શીખવાડતું પુસ્તક

 

ફેબ્રુવારી 4, 2014 Posted by | આ મહિનામાં પ્રગટ થયેલ નવા ગુજરાતી પુસ્તકો | , | Leave a comment

જીવનમાં હાસ્ય અને હાસ્યમાં જીવન શ્રેણી -Shahbuddin Rathod Books


Shahbuddin Rathod Books

વાહ દોસ્ત વાહ  – અમે મહેફિલ  જમાવી છે – સબસે ઊંચી પ્રેમસગાઇ

વાહ દોસ્ત વાહ

શાહબુદ્દીન રાઠોડ
 

 

 

 

અમે મહેફિલ  જમાવી છે

શાહબુદ્દીન રાઠોડ

 

 

 

                            સબસે ઊંચી પ્રેમસગાઇ

શાહબુદ્દીન રાઠોડ

 

 

 

 

જીવનમાં હાસ્ય અને હાસ્યમાં જીવન શ્રેણી

જે રીતે માં પોતાના બાળકને હસતાં-હસાવતાં દવાનો ઘૂંટ પીવડાવી દે એટલી સહજતાથી શાહબુદ્દીનભાઈ પોતાના વાચકને આગવી હાસ્યશૈલીમાં જીવનની ખટમધુરી અનુભૂતિઓનું રસપાન કરાવતા રહ્યા છે.તેમનું હાસ્ય દરેકને અનાયાસ હસાવી દે તેવું સહજ છે.તેમણે પ્રત્યેક માણસમાં ઈશ્વરને જોયો છે.માર્મિક હાસ્ય પેદા કરવામાં બીરબલ અને જ્યોતીન્દ્ર દવે પછી તેમનું નામ અચૂક લેવું પડે.

હાસ્યને જીવનદર્શનની હાઇટ આપી હોવાને કારણે પ્રત્યેક વાચકના એ ગમતીલા હાસ્યકાર છે. અનુભવની વ્યાખ્યા આપતાં એ કહે છે : સંપતિ મેળવવામાં સ્વાસ્થ્યનો ભોગ આપવો પડે છે,પછી સ્વાસ્થ્ય પાછું મેળવવા સંપતિનો ભોગ આપવો પડે છે.બંનેમાંથી કંઈ નથી રહેતું ત્યારે જે વધે છે તે અનુભવ કહેવામાં આવે છે.

આ પુસ્તક દરેક વાચકને,શાહબુદ્દીનભાઈ સાથે સીધો સંવાદ સાંધી આપી,જિંદગીના ઝંઝાવાતમાં બે ઘડી હળવાશનો શ્વાસ ભરતો કરી દઈ, જિંદગી જીવવાની પ્રેરણા આપશે એમાં શંકાને સ્થાન નથી.

 

જીવનમાં હાસ્ય અને હાસ્યમાં જીવન શ્રેણી -અન્ય પુસ્તકો

  • અમે મહેફિલ જમાવી છે.
  • સબસે ઊંચી પ્રેમસગાઇ
  • વાહ દોસ્ત વાહ

નવેમ્બર 6, 2011 Posted by | આ મહિનામાં પ્રગટ થયેલ નવા ગુજરાતી પુસ્તકો | , , , , | Leave a comment

Surely You Are Joking Mr. Feynman (Gujarati Translation) એક નટખટ જિનિયસનાં પરાક્રમો


શ્યોરલી યુ આર જોકિંગ મિ. ફેયનમેન

Richard Feynman

Surely You Are Joking Mr. Feynman (Gujarati Translation)

ભાવાનુવાદ : લલિત લાડ

એક નટખટ જિનિયસનાં પરાક્રમો

સાયન્સમાં રસ ધરાવતા તમામ યુવાનોએ અચૂક વાંચવા જેવું પુસ્તક .

VISIT SITE

એક નટખટ પ્રોફેસરના સંખ્યાબંધ રમૂજી અનુભવો અને થોડાં ગંભીર નિરીક્ષણો ….

તેમના પોતાના શબ્દોમાં.

રિચર્ડ ફેયનમેન નોબેલ પ્રાઇઝ વિજેતા હતા (ફિઝિક્સ ,૧૯૫૬). તે દુનિયાના શ્રેષ્ઠતમ ફિઝિસ્ટોમાંના એક હતા .પરંતુ તેમની જિંદગી અનેક નટખટ પરાક્રમોથી ભરપૂર હતી. તે જિનિયસ હોવા ઉપરાંત એક કલાકાર હતા, સેફ્નાં તાળાં ખોલનાર બાજીગર અને અચ્છા નાટકબાજ હતા.કોઈ માણસની જિંદગીમાં આટઆટલી અદભુત અને ગમ્મતભરી ઘટનાઓ બની શકે એ માન્યામાં ન આવે તેવું છે.

ન્યુયોર્ક ટાઈમ્સ બેસ્ટસેલર

નવેમ્બર 6, 2011 Posted by | વિશ્વ સાહિત્ય | , , , | Leave a comment

અંતિમ પ્રયાણ : પંચાવન નામાંકિત વ્યક્તિઓના જીવનની અંતિમ પળોનું નિરૂપણ


અંતિમ પ્રયાણ : પંચાવન નામાંકિત વ્યક્તિઓના જીવનની અંતિમ પળોનું નિરૂપણ

એમ.વી .કામથ

 

અનુવાદક : કાલિન્દી રાંદેરી

વિલિયમ શેકસપિયર, આલ્બર્ટ આઈન્સટાઇન,મહાત્મા ગાંધી,સ્વામી વિવેકાનંદ સહીત પંચાવન નામાંકિત વ્યક્તિઓના જીવનની અંતિમ પળોનું રસપ્રદ અને ચિંતનાત્મક નિરૂપણ

www.booksforyou.co.in

ઓક્ટોબર 4, 2011 Posted by | આ મહિનામાં પ્રગટ થયેલ નવા ગુજરાતી પુસ્તકો | , , , | Leave a comment

આકર્ષણનો સિધ્ધાંત -તમારે જે જોઈએ તેને આકર્ષવાનું વિજ્ઞાન


આકર્ષણનો સિધ્ધાંત

માઈકલ જે. લોસિઅર

રજૂઆત : રાજીવ ભલાણી

www.booksforyou.co.in

વિશ્વ પ્રસિદ્ધ પુસ્તક ‘ Law of Attraction’ નો અધિકૃત અનુવાદ

તમારે જે જોઈએ તેને આકર્ષવાનું વિજ્ઞાન

તમે આકર્ષણના સિદ્ધાંતનો અનુભવ તો કરો જ છો, હવે એનો સાચો ચમત્કાર જુઓ.

તમને કદાચ ખ્યાલ નહી હોય, પરંતુ એક જબરજસ્ત શક્તિ તમારી જિંદગીમાં કામ કરી રહી છે.એ છે આકર્ષણનો સિધ્ધાંત અને અત્યારે એ તમારી જિંદગીમાં લોકોને,કામને સંજોગોને અને સબંધોને આકર્ષવાનું કામ કરી રહ્યો છે. જો કે આમાંનું ઘણું સારું ન પણ હોઈ શકે ! જો તમારા જીવનમાં કરુણ ઘટનાઓ બન્યા જ કરતી હોય તો આ પુસ્તક વાંચવાનો આ શ્રેષ્ઠ સમય છે.

આ પુસ્તક તમને શીખવશે કે આકર્ષણના સિદ્ધાંતને કેવી રીતે વાપરવો જેથી તમે જિંદગીમાં જે નથી જોઈતું તેને દુર કરી શકો અને એવી વસ્તુ આકર્ષી શકો જે તમને સુખ.શક્તિ અને સમૃદ્ધિ આપે .

જુઓ, નીચેની બાબતો માટે આકર્ષણના સિદ્ધાંતનો ઉપયોગ કરવો કેટલો સરળ છે.!

  • તમારે જે નથી જોઈતું તેને તમારી તરફ આકર્ષવાનું બંધ કરવા માટે
  • તમારી જિંદગીમાં સમૃદ્ધિ અને સંપતિ વધારવા માટે
  • તમારા માટે આદર્શ જીવનસાથી અને આદર્શ સંબંધોને આકર્ષવા માટે
  • તમારા વ્યવસાય અને ગ્રાહકો વાદહ્રવા માટે
  • તમારી આદર્શ કારકિર્દીના ઘડતર માટે

‘કેટલાક પુસ્તકો તમારી જિંદગીબદલી નાખે તેવાં હોય છે. આકર્ષણનો સિધ્ધાંત એમાંનું એક પુસ્તક છે. જયારે તમે સમજશો કે આકર્ષણનો સિધ્ધાંત કેવી રીતે કામ કરે છે અને ખરેખર જોશો કે તકો,પ્રેરણા,ધન અને લોકોનો પ્રવાહ તમારી જિંદગીમાં શરૂ થઇ ચુક્યો છે ત્યારે તમે બધાને આ પુસ્તક વિષે કહેતા ફરશો.’ – કેરોલ એડ્રીનો

Law of Attraction [Gujarati Translation]

સપ્ટેમ્બર 23, 2011 Posted by | વિશ્વ સાહિત્ય | , , , , | Leave a comment

i લવ you – સફળ લગ્નની સફળ ફોર્મ્યુલા


i લવ you – સફળ લગ્નની સફળ ફોર્મ્યુલા

કાજલ ઓઝા -વૈદ્ય

સમસ્યાને ઓળખશો તો એના ઉપાય વિશે કંઈ કરી શકશો એ નિશ્ચિત છે. પ્રશ્ન આપણાંથી શરૂ થાય છે અને એનો ઉકેલ પણ આપણે જ શોધી શકીશું .

લગ્ન વિશેના ખ્યાલો આપણે ત્યાં ખાસ્સા દૃઢ અને પરસ્પર વિરોધી માન્યતાઓ ધરાવતા રહ્યા છે. પ્રેમમાં પડેલી દરેક વ્યક્તિ લગ્નને જ જીવનનું અંતિમ ધ્યેય સમજે છે. બીજા લોકોનાં લગ્નો જોયા પછી પણ તેઓ એમજ વિચારે છે કે,’અમારા લગ્ન બીજા કરતાં જુદા જ હશે !’

લગ્ન પછીના સાત વર્ષના ગાળા દરમ્યાન મોટા ભાગનાં લગ્નો, સામાન્ય લગ્નો જેવા જ થઇ જાય છે. રોમાન્સની અને ‘આદર્શ લગ્ન’ ની બધી જ કલ્પનાઓ, બધાં જ વચનો અને અને પ્રતિજ્ઞાઓ ધીરે ધીરે ઓગળી જાય છે. લગ્નજીવન ભાંગી પાડવા માટે એકબીજાને જવાબદાર ઠેરવતાં પતિ-પત્ની ધીમે ધીમે એકબીજાથી વિરૃદ્ધ દિશામાં પ્રવાસ કરવા લાગે છે.

કોઈ પણ સંબંધને સાદી માવજતની જરૂરિયાત હોય છે. લગ્ન જેવો નાજુક સબંધ માવજતના અભાવે  જ તદ્દન ભાંગી પડતો હોય છે. આમ છતાં, લગ્નને સફળ બનાવી બે વ્યક્તિઓ સુખ અને સંતોષથી જીવનભર સાથે જીવી શકે છે. ભાંગી પડેલા કે મૃત;પ્રાય થઇ ગયેલાં લગ્ન પણ ફરીથી નવપલ્લવિત થઇ શકે છે. જરૂર છે થોડી સમજદારીની, થોડા સ્વીકારની, થોડા પ્રયત્નની અને થોડા સમાધાનની .

આ પુસ્તક તમને ધીમે ધીમે એક નવી દુનિયામાં લઇ જઈ તમને તમારી ભૂલો સમજાવશે. તમે ક્યાં અને કઈ રીતે ખોટા હતા એ પણ તમારા મનને સમજાવશે, પરંતુ ત્યાંથી અટકી ન જતાં.માત્ર ભૂલ સ્વીકારી લેવાથી પરિસ્થિતિ બદલી શકાતી નથી. ગઈ કાલ સુધીની તમામ ભૂલોને ઓળખી લઈને આજથી જ  તમારા જીવનમાંથી એ ભૂલોની બાદબાકી કરશો તો જ તમને એક આદર્શ સબંધ મળશે.

Title : I Love you
Author : Kajal Oza-Vaidhya
Edition : 2011
Price : INR.150.00
Available At www.booksforyou.co.in

ઓગસ્ટ 15, 2011 Posted by | કાજલ ઓઝા -વૈધ ના પુસ્તકોની યાદી | , , , | Leave a comment

મહામાનવ શ્રીકૃષ્ણ – શ્રીકૃષ્ણનું એકમાત્ર સંપૂર્ણ જીવનચરિત્ર


મહામાનવ શ્રીકૃષ્ણ – શ્રીકૃષ્ણનું એકમાત્ર સંપૂર્ણ જીવનચરિત્ર
  • જ્યોત્સના તન્ના
  • નગીનદાસ સંઘવી

જગતની અનેક ભાષાઓમાં શ્રીકૃષ્ણની જીવનકથા, લીલા,ચરિત્ર અને પરાક્રમગાથા રજૂ કરનાર સંખ્યાબંધ ગ્રંથો અનેક સદીઓથી લખતા રહ્યા છે અને હજુ પણ લખાતા રહેશે . છેલ્લા પચાસેક વરસમાં ગુજરાતના અનેક સમર્થ અને ખ્યાતમાન સાહિત્યકારોએ આધુનિક સંદર્ભમાં કૃષ્ણજીવન અંગેની નિરૂપણ કરનાર ચરિત્રગ્રંથો લખવા માંડ્યા છે. કમનસીબે આ ચરિત્રગ્રંથોમાં કૃષ્ણજીવન અંગેની પ્રાચીન પરંપરાઓની રજૂઆત કે અર્થઘટન કરવાને બદલે આ શબ્દ્સ્વામીઓએ પોતપોતાની કલ્પનાના ગુબ્બારા ઉડાવ્યા છે. પ્રાચીન પરંપરામાં ન હોય તેવા કાલ્પનિક પ્રસંગો, પાત્રો અને સંવાદોનું ઉમેરણ કર્યું છે. આવા એક ચરિત્રલેખક કાલીયદમનનો પ્રસંગ સમજાવવા માટે કૃષ્ણને મદારી બનાવી દીધા છે.આવા ઉમેરણોનું સાહિત્યિક મૂલ્ય તો જે હોય તે ખરું, પણ આવા નિરૂપણના કારણે પ્રાચીન પરંપરાઓ સ્પષ્ટ થવાને બદલે ઉલટી દુષિત થઇ રહી છે.

                    હજાર વરસ અગાઉના ગ્રંથોમાં વેરણછેરણ પથરાયેલી પરંપરાની કણિકાઓને એકઠી કરીને સુગ્રથિત સ્વરૂપે રજૂ કરવી અને તેમાંથી હિન્દુઓના પરમ શ્રદ્ધાપુરુષ શ્રીકૃષ્ણના માનવસ્વરૂપની જે છબી ઊપસે તેને ઝીલવાનો એક નમ્રપ્રયાસ અહીં કરવામાં આવ્યો છે.

Title : Mahamanav Shree Krushna
Author : Dr.Jyotsna Tanna * Nagindas Sanghvi
Edition : 2010
Price : INR.200.00
Available At www.booksforyou.co.in

ઓગસ્ટ 3, 2011 Posted by | આ મહિનામાં પ્રગટ થયેલ નવા ગુજરાતી પુસ્તકો | , , , , | Leave a comment

શક્યતાની ક્ષિતિજ :માણસના મન ઉપરના લેખો નો સંગ્રહ


શક્યતાની ક્ષિતિજ :માણસના મન ઉપરના લેખો નો સંગ્રહ

હરેશ ધોળકિયા

વ્યક્તિ એટલે મન. મોટા ભાગનાનું મન બિનતાલીમી છે. માટે ગૂંચવાયેલું છે. તે સમસ્યાઓ સર્જે છે. વિચારો અસ્પષ્ટ થાય છે. લાગણીઓ આવેશમાં ફેરવાય છે. જાગૃતિ ધૂંધળી બને છે. મન’ગ્રંથીઓ’ થી ગ્રસ્ત થાય છે. જીવનનો આનંદ નથી ભોગવી શકાતો,તે માટે જવાબદાર છીએ કેવળ ‘ આપણે’! પણ મનને કેળવી શકાય છે. વિચારો અને ભાવનાઓને સ્વસ્થ કરી શકાય છે.

કેળવાયેલું મન ધાર્યું કરી શકે છે. તેની શક્તિ અનંતગણી વધી જાય છે. સ્વસ્થ મન જીવનને આનંદ અને સોંદર્યથી છલકાવી નાખે છે.

સામાન્ય,અસ્પષ્ટ, ધૂંધળા મનને સજ્જ કરી સ્વસ્થ અને સફળ વ્યક્તિત્વ કેળવવાના વિચારો પીરસતું આ પુસ્તક છે. તે મનની પ્રજ્ઞા તરફની યાત્રા કરાવે છે. શાંતિ,પ્રેમ અને આનંદ ઇચ્છનાર માટે અનિવાર્ય વાંચન !

હરેશ ધોળકિયા
ન્યુ મિન્ટ રોડ , પેરીસ બેકરી પાસે,
ભુજ-કચ્છ (૩૭૦૦૦૧)
ફોન: (૦૨૮૩૨) ૨૨૭૯૪૬

પુસ્તક પ્રાપ્તિસ્થાન :
ઓનલાઈન બુકસ્ટોર
બુક્સ ફોર યુ.

કિંમત : રૂ.૧૦૦/-
પૃષ્ઠ :૧૪૪

વિશેષ ના ગણી શકાય તેવી સુચના :

આ બ્લોગ ઉપર આપેલ તમામ માહિતી કોપી પેસ્ટ કરવાની સંપૂર્ણ આઝાદી છે. કારણકે અમે ‘ગમતાનો ગુલાલ’ કરવામાં માનીએ છીએ .

જુલાઇ 25, 2011 Posted by | આ મહિનામાં પ્રગટ થયેલ નવા ગુજરાતી પુસ્તકો | , , | Leave a comment

ફાઈન્ડ યોર ફિટનેસ


ફાઈન્ડ યોર ફિટનેસ

ડો. મુકુન્દ મહેતા

તંદુરસ્તી મેળવવી એ સાવ સરળ વાત છે.

જનસામાન્યના અનેક આબાલ-વૃદ્ધ સ્ત્રી-પુરુષોને આજના ધમાલિયા જીવનમાં ખોવાઈ ગયેલી અને ગુમાવેલી તંદુરસ્તીને મેળવવાના પ્રયાસમાં ‘ફાઈન્ડ યોર ફિટનેસ ‘ પુસ્તક એક આધારસ્તંભ બનશે એ સૌ કોઈ સ્વીકારે તેવું સત્ય છે.

ડો. મુકુન્દ મહેતાએ ‘ફાઈન્ડ યોર ફિટનેસ ‘ માં તંદુરસ્તી જાળવવાના અને રોગ રહિત જીવન ગાળવાના સરળ રસ્તા બતાવ્યા છે. આજના જમાનામાં જયારે વૈધકીય સારવાર અને ઉપચાર ખર્ચાળ થઇ ગયા છે. ત્યારે ડો.મહેતાએ દર્શાવેલા ઉપાયોથી સામાન્યજનને ચોક્કસ ફાયદો થશે તેવો વિશ્વાસ છે.

ડો.મેહતા એમ.ડી,છે, ફિટનેસ સ્પેશિયાલિસ્ટ છે. અને આરોગ્યના અનેક પાસાંઓના અભ્યાસી છે. તેમના લખાણોનો આ છઠ્ઠો ગ્રંથ તેમના અનુભવનો અક્ષરદેહ છે, તંદુરસ્તી મેળવવાના સરળ માર્ગનો અદ્દભુત નકશો છે. લોકપ્રિય દૈનિક ‘ગુજરાત સમાચાર’ માં છેલ્લા ૧૮ વર્ષથી પ્રસિદ્ધ થતાં ‘ફિટનેસ’ કોલમના પસંદ કરેલા લેખોનો સંગ્રહ .

ડો.મુકુન્દ મહેતા લિખિત અન્ય પુસ્તકો

 

Title : Find Your Fitness

Author: Dr.Mukund Mehta

Edition: July’2011

Price : INR 200.00

Available At www.booksforyou.co.in

જુલાઇ 22, 2011 Posted by | આ મહિનામાં પ્રગટ થયેલ નવા ગુજરાતી પુસ્તકો | , , , | Leave a comment

ભારતીય મેનેજરોની અજાયબ દુનિયા : ઇન ધી વન્ડરલેન્ડ ઓફ ઇન્ડિયન મેનેજર્સ


ભારતીય મેનેજરોની અજાયબ દુનિયા : ઇન ધી વન્ડરલેન્ડ ઓફ ઇન્ડિયન મેનેજર્સ

‘In The Wonderland of Indian Managers’ Gujarati Edition.

શરૂ રાંગણેકર
ચિત્રાંકન : આર.કે.લક્ષ્મણ અને વિવેક મેહેત્રે
અનુવાદક: દિનેશ ઠાકર
          ભારતીય મેનેજરોની અજાયબ દુનિયા’માં રાંગણેકર આપણી સંચાલનવ્યવસ્થા અને પ્રણાલીની વિલક્ષણતાઓ દર્શાવે છે. અને તેના પર વ્યંગભર્યા ચાબખાં વીંઝે છે.ભારતીય મેનેજમેન્ટ પરિદૃશ્યનું પ્રભાવી વિવેચન રજૂ કરતું આ પુસ્તક તાલીમાર્થીથી લઇ ડાઈરેક્ટર સુધીના બધા સ્તરના મેનેજરોને ઉપયોગી થાય તેવું છે. સાર્વજનિક સમસ્યાઓ અને તેમના ઉકેલ લેખકની લાક્ષણિક શૈલીમાં વર્ણવામાં આવ્યા છે, જે આર.કે.લક્ષ્મનાના અપ્રતિમ કાર્ટુનની આપૂર્તિ પામે છે.
Title: In The Wonderland of Indian Managers’ Gujarati Edition.
Author: Sharu Rangnekar
Edition: July,2011
Price : INR 100.00
Available At www.booksforyou.co.in
A MUST FOR EVERY MANAGEMENT STUDENT/BUSINESS CLASS

જુલાઇ 18, 2011 Posted by | આ મહિનામાં પ્રગટ થયેલ નવા ગુજરાતી પુસ્તકો | , , | 1 ટીકા